SURAT NA METMET……( tu bapakku Nababan )
Horas bapa….!
sai malungun jala masihol do ahu di tano parserahan on
molo sai huingot holong mi tu ahu, mulai sian haetekonhi .
Huingot do ujui, molo mulak ahu sian pangarantoan
nunga tarpaima-ima ho bapa di jolo ni pintu jabu di hutanta
dihaol ho ma ahu.., laos di umma ho ma pardompakanhi..
Sogot nai diboan ho ma ahu tu huta ni oppung.
“ziarah jo hita inang da?” nimmu ma tu ahu
dipaboa bapa ma tu ahu sejarah ni Partangiangan 13 Oktober 1955
diajari bapa do ahu ruhut-ruhut ni paradaton,
“nang pe boru ho ito, ingkon do botoon mu paradaton, ingkon tanda onmu do ise dirim”
“tudia pe ho mangaranto, lului tondongta. Ai ido na gabe natua-tuam”
“Jala sotung lupa ho marminggu da ito? Pajonok dirim tu TUHAN i..” nimmu ma muse tu ahu.
Huingot du sude angka podami bapa..
huingot holongmi…, burjumi na marboru i…!
(na jotjotan do ho bapa martangan pudi tu borumon.., alai sai sip do akka ibotongki).
Saonari nunga magodang ahu, jala nunga be matoras ahu bapa.
Lam mangantusi ma ahu, di punguan ni BORSAK MANGATASI NABABAN
Lam mangantusi ma ahu, boasa ingkon ihuthononhu Partangian 13 okt di tano parserahan on.
Alai bapa……, boasa sai adong dope Nababan na marsoal?
boasa sai adong dope Nababan na marsigulut di angka jampalan na lomak i?
Nang pe na mardongan tubu, na marhula-hula , na marboru….,
Nang pe rap sahuta.., rap sapunguan…, rap saparkarejoan..,
Boasa bapa………..???
Dang tarbereng ahu bapa angka dongan (marga na asing i)
Hupanengel-nengel nama sipata sipareonhu, mambege-bege hata ni jolma i
Holan dua do hamu bapakku…..
songon pat ni manuk… (santabi da bapa)
Molo marsoal hamu.., ise do siampinonhu …..? bapakku do hamu sude
Molo marsoal hamu bapa, oppung pe, tong do ra dang diboto ise siampinonna.
Rap anakkonna do hamu….., rap pinomparna do hita….
Tangis do ahu bapa mamereng-mereng hamu angka bapakku mar-soal
Lungun hian huhilala…, madetuk ate-atenghu
tu bapakku na dia ma ahu lao? molo naeng mangalu-alu ahu borum ?
Bapa na burju…., na uli lagu..,
marpangidoan ma ahu….., borumon
asa sada ma hamu angka bapakku, rap sahundulan, rap sapandohan.
Molo telpang do pat ni manuk i, dang boi ibana denggan jongjong kan bapa?
Molo hohan sada dinding do na jongjong, tong do dang boi gabe ‘jabu’ siinganon i.
Bapa na burju….,
Dang na mamodai ahu bapakku…, palias i..., tongka i bapa.
Ahu ma borum, na alani holongku tu hamu sude bapakku.
gabe dang tarpajojor ahu be sude angka holonghi.
Alani do mansai sihol hian rohangku, hamu rampak sahundulan
jadi ahu pe borum, boi rampak mengkel dohot hamu sude bapakku…
Bapa na uli lagu….,
hamu ma nidokna, ‘debata na tarida’ di portibi on
tangianghon ma ahu borum, na di tano parserahan on
boi marparange na denggan, jala dapot angka parsaulian
asa toho ma ahu gabe borum, Boru Nababan
Nuaeng pe bapa….
hulompit ma tanganhu…, martangiang tu TUHANta i
asa marsada sude Pomparan ni oppungta BORSAK MANGATASI NABABAN ( Boru dohot Bere).
Lam tu majuna ma hamu angka bapakku..
Ditumpak i asi ni roha ni TUHAN ..
Dilehon ganjang ni umur.., dohot tamba ni angka pangkat.
Martanda ma oppungta i marhite hamu bapa..
Jala asa marparbue partangiangan si ganup 13 oktober i.
Hami pe angka borum ….bangga paihut-ihut sian pudi.
Horas ma bapa da….!
umma-ummaku ma tu hamu sude bapakku…,
Tabe sian ahu borum:
SINTA AS NABABAN --- ( No. 20/Sandar Nagodang )
_______________________________________________
Sukses untuk Partangiangan 13 Oktober 1955 - 13 Oktober 2012
TUHAN MEMBERKATI SELURUH NABABAN BORU BERE....*)
Catatan:
Surat ini aku posting pertama kali di group facebook PBMNBB th. 2011
Horas bapa….!
sai malungun jala masihol do ahu di tano parserahan on
molo sai huingot holong mi tu ahu, mulai sian haetekonhi .
Huingot do ujui, molo mulak ahu sian pangarantoan
nunga tarpaima-ima ho bapa di jolo ni pintu jabu di hutanta
dihaol ho ma ahu.., laos di umma ho ma pardompakanhi..
Sogot nai diboan ho ma ahu tu huta ni oppung.
“ziarah jo hita inang da?” nimmu ma tu ahu
dipaboa bapa ma tu ahu sejarah ni Partangiangan 13 Oktober 1955
diajari bapa do ahu ruhut-ruhut ni paradaton,
“nang pe boru ho ito, ingkon do botoon mu paradaton, ingkon tanda onmu do ise dirim”
“tudia pe ho mangaranto, lului tondongta. Ai ido na gabe natua-tuam”
“Jala sotung lupa ho marminggu da ito? Pajonok dirim tu TUHAN i..” nimmu ma muse tu ahu.
Huingot du sude angka podami bapa..
huingot holongmi…, burjumi na marboru i…!
(na jotjotan do ho bapa martangan pudi tu borumon.., alai sai sip do akka ibotongki).
Saonari nunga magodang ahu, jala nunga be matoras ahu bapa.
Lam mangantusi ma ahu, di punguan ni BORSAK MANGATASI NABABAN
Lam mangantusi ma ahu, boasa ingkon ihuthononhu Partangian 13 okt di tano parserahan on.
Alai bapa……, boasa sai adong dope Nababan na marsoal?
boasa sai adong dope Nababan na marsigulut di angka jampalan na lomak i?
Nang pe na mardongan tubu, na marhula-hula , na marboru….,
Nang pe rap sahuta.., rap sapunguan…, rap saparkarejoan..,
Boasa bapa………..???
Dang tarbereng ahu bapa angka dongan (marga na asing i)
Hupanengel-nengel nama sipata sipareonhu, mambege-bege hata ni jolma i
Holan dua do hamu bapakku…..
songon pat ni manuk… (santabi da bapa)
Molo marsoal hamu.., ise do siampinonhu …..? bapakku do hamu sude
Molo marsoal hamu bapa, oppung pe, tong do ra dang diboto ise siampinonna.
Rap anakkonna do hamu….., rap pinomparna do hita….
Tangis do ahu bapa mamereng-mereng hamu angka bapakku mar-soal
Lungun hian huhilala…, madetuk ate-atenghu
tu bapakku na dia ma ahu lao? molo naeng mangalu-alu ahu borum ?
Bapa na burju…., na uli lagu..,
marpangidoan ma ahu….., borumon
asa sada ma hamu angka bapakku, rap sahundulan, rap sapandohan.
Molo telpang do pat ni manuk i, dang boi ibana denggan jongjong kan bapa?
Molo hohan sada dinding do na jongjong, tong do dang boi gabe ‘jabu’ siinganon i.
Bapa na burju….,
Dang na mamodai ahu bapakku…, palias i..., tongka i bapa.
Ahu ma borum, na alani holongku tu hamu sude bapakku.
gabe dang tarpajojor ahu be sude angka holonghi.
Alani do mansai sihol hian rohangku, hamu rampak sahundulan
jadi ahu pe borum, boi rampak mengkel dohot hamu sude bapakku…
Bapa na uli lagu….,
hamu ma nidokna, ‘debata na tarida’ di portibi on
tangianghon ma ahu borum, na di tano parserahan on
boi marparange na denggan, jala dapot angka parsaulian
asa toho ma ahu gabe borum, Boru Nababan
Nuaeng pe bapa….
hulompit ma tanganhu…, martangiang tu TUHANta i
asa marsada sude Pomparan ni oppungta BORSAK MANGATASI NABABAN ( Boru dohot Bere).
Lam tu majuna ma hamu angka bapakku..
Ditumpak i asi ni roha ni TUHAN ..
Dilehon ganjang ni umur.., dohot tamba ni angka pangkat.
Martanda ma oppungta i marhite hamu bapa..
Jala asa marparbue partangiangan si ganup 13 oktober i.
Hami pe angka borum ….bangga paihut-ihut sian pudi.
Horas ma bapa da….!
umma-ummaku ma tu hamu sude bapakku…,
Tabe sian ahu borum:
SINTA AS NABABAN --- ( No. 20/Sandar Nagodang )
_______________________________________________
Sukses untuk Partangiangan 13 Oktober 1955 - 13 Oktober 2012
TUHAN MEMBERKATI SELURUH NABABAN BORU BERE....*)
Catatan:
Surat ini aku posting pertama kali di group facebook PBMNBB th. 2011
0 komentar:
Posting Komentar